(രചന: ശിഖ)
റൂമിലെ ഏസി കൂട്ടിവച്ചുകൊണ്ട് ഹരി അവളുടെ മേലേക്ക് പടർന്ന് കയറി.
രണ്ടാഴ്ച കാണാതിരുന്ന വിരഹം അത്രമേൽ അവരെ തളർത്തിയിരുന്നു. ഏസിയുടെ ശീതളിമയിൽ തണുത്ത് വിറച്ച് പരസ്പരം ചൂട് പങ്കിടാനായി ഇരു നഗ്ന ശരീരങ്ങളും പരസ്പരം മത്സരിച്ച് കെട്ടിപ്പുണർന്നു.
രണ്ടാഴ്ചയ്ക്ക് ശേഷം വീണ് കിട്ടിയ ആ അവസരം രണ്ടുപേരും നന്നായി പ്രയോജനപ്പെടുത്തുന്നുണ്ടായിരുന്നു.
“””ഹരീ… ഒളിച്ചും പാത്തും നമ്മൾ എത്ര നാളെന്ന് വച്ചാ ഇങ്ങനെ? സത്യം പറഞ്ഞാൽ ചില സമയം പേടിയാ. സുഭാഷങ്ങാനും പെട്ടെന്ന് കയറി വന്നാൽ നമ്മൾ പെട്ട് പോവില്ലേ?
“””നീയിങ്ങനെ കരിനാക്ക് വളച്ചൊന്നും പറയല്ലേ മൃദു. അവന്റെ അടി ഞാൻ താങ്ങൂല മോളേ.
“””ഈയിടെയായി സുഭാഷിനെന്തോ ഡൌട്ട് ഉള്ളത് പോലെ തോന്നുന്നു ഹരി. അതാ ഞാനങ്ങനെ പറഞ്ഞത്.
“””നിനക്ക് പേടിയാണെങ്കിൽ നമുക്ക് ഇന്നത്തോടെ നിർത്താം. നിന്റെ സേഫ്റ്റിയാണ് എനിക്ക് വലുത്. എന്റെ ഭാര്യ പിന്നെ അറിഞ്ഞാലും എനിക്ക് വിഷയമില്ല.
“””അങ്ങനെയൊന്നും പറയല്ലേ ഹരി. ഇപ്പൊത്തന്നെ രണ്ടാഴ്ച നിന്നെ കാണാൻ പറ്റാതായപ്പോൾ ഞാൻ അനുഭവിച്ച വീർപ്പുമുട്ടൽ എനിക്ക് മാത്രേ അറിയൂ.
“””നിന്നെ കാണാതെ എനിക്കും പറ്റില്ലെടി. ഹേമയെ ഡിവോഴ്സ് ചെയ്തിട്ട് നിന്നെ കെട്ടാമെന്ന് വച്ചാൽ ആ നാശം അട്ടയെ പോലെ പറ്റിപ്പിടിച്ചിരിക്കാ. ഇപ്പൊ അവളുടെ ആവശ്യം ഒരു കുട്ടി വേണമെന്നാ. കുഞ്ഞും കൂടി ആയാൽ പിന്നെ നാശത്തിനെ തലയിൽ നിന്ന് ഒഴിച്ച് കെട്ടാനും പറ്റില്ല.
“””ഹരീ… നീ ഇപ്പോഴും നിന്റെ ഭാര്യയുമായി സെക്സ് ചെയ്യുമോ?
ഉള്ളുരുക്കത്തോടെ മൃദു അവനോട് ചോദിച്ചു.
“””മാക്സിമം ഞാൻ അടുപ്പിക്കാറില്ലെടി. പക്ഷേ ചില സമയം അവൾ ഒരു നനവുമില്ലാതെ മുൻകൈ എടുത്ത് വരും. എത്ര ഒഴിവാക്കാൻ നോക്കിയാലും അവൾക്ക് ചെയ്യണമെന്ന് വാശി പിടിക്കും. പിന്നെ നിന്നെ മനസ്സിലോർത്താണ് ഹേമയ്‌ക്കൊപ്പം കിടക്ക പങ്കിടുന്നത്.
“””എന്റേം അവസ്ഥ അത് തന്നെയാ ഹരി. സുഭാഷിന്റെ സ്ഥാനത്ത് നീയാണ് വിചാരിച്ച് ഞാനും അയാൾക്കൊപ്പം സഹകരിച്ചുപോകും. ഈയിടെയായി ഒരു കുട്ടി വേണമെന്ന് പറയാനും തുടങ്ങിയിട്ടുണ്ട്.
“””പ്രെഗ്നന്റ് ആവാതെ ശ്രദ്ധിക്കണേ നീ.
ഹരി കരുതലോടെ പറഞ്ഞു.
“””അതൊക്കെ ഞാൻ ശ്രദ്ധിക്കുന്നുണ്ട് ഹരി.
“””ഹേമ എന്റെ ജീവിതത്തിൽ നിന്ന് സ്വയം ഒഴിഞ്ഞു പോവുകയും നീയും സുഭാഷും തമ്മിൽ പിരിയുകയും ചെയ്തിരുന്നെങ്കിൽ നമ്മുടെ കാര്യം കുറച്ചൂടെ ഈസി ആയേനെ.
“””സുഭാഷിന്റെ ഭാഗത്ത്‌ നിന്ന് എന്തെങ്കിലുമൊരു കുഴപ്പമുണ്ടാവാൻ ഞാൻ കാത്തിരിക്കുകയാണ്. അവന്റെ ഫോൾട് കൊണ്ടാണ് ഞാൻ ഡിവോഴ്സ് ആവശ്യപ്പെടുന്നതെങ്കിൽ നല്ലൊരു തുക ജീവനാംശം വാങ്ങി ഗുഡ്ബൈ പറഞ്ഞു പോകാമായിരുന്നു. ഇതിപ്പോ ഇതുവരെ അയാളുടെ ഭാഗത്ത്‌ നിന്ന് മിസ്റ്റേക്ക് ഒന്നും വന്നിട്ടില്ല.
“””എന്തെങ്കിലും കിട്ടാതിരിക്കില്ല മൃദു. നീ സമാധാനപ്പെട്.
ഹരി അവളെ തന്റെ നെഞ്ചിലേക്ക് വലിച്ചിട്ടു.
ബിസിനസ്‌ കാരനായ സുഭാഷിന്റെ ഭാര്യയാണ് മൃദു. മൂന്ന് വർഷമായി അവരുടെ വിവാഹം കഴിഞ്ഞിട്ട്. ഇതുവരെ കുട്ടികളൊന്നുമായിട്ടില്ല. കാരണം മൃദുവിന് വിവാഹത്തിന് മുൻപേ തന്നെ ഹരിയുമായി ബന്ധമുണ്ട്.
വീട്ടുകാരുടെ നിർബന്ധത്തിന് വഴങ്ങി സുഭാഷിനെ കെട്ടിയെങ്കിലും അവന്റെ കാശ് മോഹിച്ച് സുബ്വഷിനൊപ്പം തന്നെ കുറച്ചു നാൾ ജീവിക്കാൻ അവൾ തീരുമാനിച്ചു. നല്ലൊരു തുക നഷ്ടപരിഹാരമായി കൈപറ്റി സുഭാഷിനെ ഡിവോഴ്സ് ചെയ്ത് ഹരിക്കൊപ്പം ജീവിക്കാനാണ് മൃദുവിന്റെ പ്ലാൻ. അതിന് വേണ്ടിയാണ് സുഭാഷിന്റെ ഭാഗത്തു നിന്ന് ഒരു മിസ്റ്റേക്ക് ഉണ്ടാവാൻ അവൾ കാത്തിരിക്കുന്നത്.
ഒന്നും നടന്നില്ലെങ്കിൽ സുഭാഷിന് കുട്ടികൾ ഉണ്ടാവില്ലെന്ന കാരണം പറഞ്ഞു അവനെ ഒഴിവാക്കാനും അവൾ പദ്ധതി ഇടുന്നുണ്ട്. അതുകൊണ്ട് പ്രെഗ്നന്റ് ആവാതിരിക്കാൻ മൃദു പ്രത്യേകം ശ്രദ്ധിക്കുന്നുണ്ട്.
ഇതൊന്നും തന്നെ അറിയാതെ സുഭാഷ് അവളെ ആത്മാർത്ഥമായി സ്നേഹിക്കുകയാണ്.
ഹരിക്ക് ഒരു മൾട്ടി നാഷണൽ കമ്പനിയിൽ മാനേജറാണ്. അവന്റെ ഭാര്യ ഹേമയാണെങ്കിൽ ഭർത്താവിനെ മാത്രം വിശ്വസിച്ചു സ്നേഹിച്ചു കഴിയുന്നൊരു പഞ്ച പാവമായ നാട്ടിൻ പുറത്ത് കാരിയാണ്. ഹരിക്ക് അവന്റെ അമ്മയുടെ ആത്മഹത്യാ ഭീഷണി കാരണമാണ് ഹേമയെ വിവാഹം ചെയ്യേണ്ടി വന്നത്.
ഇരുവരും പങ്കാളികളെ ചതിച്ചു ഈ രഹസ്യ ബന്ധം തുടങ്ങിയിട്ട് നാളുകൾ ഏറെയായി.
സമയം കടന്ന് പൊയ്ക്കൊണ്ടിരുന്നു. എന്തോ ബിസിനസ്‌ ആവശ്യത്തിനായി സുഭാഷ് രാവിലെ ഫ്ലാറ്റിൽ നിന്ന് പോയ ഉടനെ മൃദു ഹരിയെ വിളിച്ചു വരുത്തുകയായിരുന്നു. സുഭാഷ് പിറ്റേ ദിവസമേ മടങ്ങി വരുള്ളൂ എന്ന് പറഞ്ഞത് കൊണ്ട് ഹരി അന്നവിടെ തങ്ങാൻ തീരുമാനിച്ചാണ് വന്നതും.
നേരം ഉച്ച കഴിഞ്ഞ സമയത്താണ് കാളിംഗ് ബെൽ ശബ്‌ദിക്കുന്നത് കേട്ടത്. ഹരിയുടെ നെഞ്ചിൽ തല ചായ്ച്ചു ഉറങ്ങുകയായിരുന്ന മൃദു. അവനും നല്ല ഉറക്കത്തിലായിരുന്നു. കാളിംഗ് ബെല്ലിന്റെ സൗണ്ട് കേട്ടാണ് ഇരുവരും ഞെട്ടിയുണർന്നത്.
“””ആരാ മൃദു ഈ നേരത്ത്.
“””അറിയില്ല ഹരി.
“””സുഭാഷാണോ.
“””ഏയ്‌ സുഭാഷ് ആയിരിക്കില്ല. അയാൾ നാളയെ വരൂ.
“””പിന്നെ ആരാ നേരത്ത്.
“””പോയി നോക്കട്ടെ… ചിലപ്പോ അടുത്ത ഫ്ലാറ്റിലെ ആരെങ്കിലുമാകും.
നിലത്ത് അഴിച്ചിട്ടിരുന്ന വസ്ത്രങ്ങൾ വാരിയുടുത്തുകൊണ്ട് മൃദു ഹാളിലേക്ക് പോയി.
ടെൻഷനേതുമില്ലാതെയാണ് അവൾ വാതിൽ തുറന്ന് നോക്കിയത്. തൊട്ട് മുന്നിൽ ചെറിയൊരു പുഞ്ചിരിയോടെ നിൽക്കുന്ന സുഭാഷിനെ കണ്ട് മൃദു നടുങ്ങി തരിച്ചുപോയി.
“””സു… സുഭാഷ് മീറ്റിംഗിന് പോയില്ലാരുന്നോ? വാക്കുകൾ തപ്പി പെറുക്കി അവൾ ചോദിച്ചു.
“””അത് ക്യാൻസൽ ആയി മൃദു. അതുകൊണ്ട് ഞാൻ തിരിച്ചു പോന്നു.
അവളെ മറി കടന്നവൻ അകത്തേക്ക് കയറിയതും മൃദുവിന്റെ നെഞ്ചിടിപ്പേറി.
സുഭാഷ് നേരെ തങ്ങളുടെ ബെഡ്റൂമിലേക്ക് പോകുന്നത് കണ്ടതും അവളുടെ ശരീരം വിറപൂണ്ടു. എല്ലാം ഇതോടെ കഴിഞ്ഞുവെന്ന് അവൾക്കുറപ്പായി.
അവനെ തടയാനോ ഒന്നും കഴിയാനാവാതെ തളർന്ന് പോയ കാലുകൾ ഭാരപ്പെട്ട് മുന്നോട്ട് വച്ചവൾ അവന് പിന്നാലെ പോയി.
ബെഡ്‌റൂമിനുള്ളിൽ കയറിയ സുഭാഷ് കൈയിലിരുന്ന ബാഗ് അലമാര തുറന്ന് അതിനുള്ളിൽ വയ്ക്കുകയും തലയിണയുടെ അടിയിൽ നിന്ന് അയാളുടെ മൊബൈൽ പുറത്തെടുക്കുന്നതും മൃദു കണ്ടു.
“””ഇത് സുബാഷിന്റെ പേർസണൽ ഫോണല്ലേ. ഇതിവിടെ മറന്ന് വച്ചിരുന്നോ?
റൂമിനുള്ളിൽ ഹരി കാണാതെ തെല്ലൊരു ആശ്വാസത്തോടെ അവൾ ചോദിച്ചു
“””മറന്ന് വച്ചതല്ല… മനഃപൂർവം വച്ച് പോയതാ. അതുകൊണ്ട് ചില കാര്യങ്ങൾ അറിയാൻ പറ്റി. ബാത്‌റൂമിൽ കയറി ഒളിച്ചു നിക്കുന്ന നിന്റെ കള്ള കാമുകനോട് പുറത്തിറങ്ങി വരാൻ പറയ്യ്.
അതുവരെ സൗമ്യനായി നിന്നിരുന്ന സുഭാഷിന്റെ ഭാവം മാറിയത് പെട്ടെന്നായിരുന്നു.
വന്നത് സുബാഷാണെന്ന് അറിഞ്ഞതും ഓടി ബാത്‌റൂമിൽ കേറിയതായിരുന്നു ഹരി. പക്ഷേ അവൻ തങ്ങളെ കണ്ട് പിടിച്ചെന്ന് മനസ്സിലാക്കിയതും കുറ്റവാളിയെ പോലെ അവൻ തലകുനിച്ചു പുറത്തേക്ക് വന്നു.
“””കുറച്ചുനാളായി എനിക്ക് നിന്നെ സംശയമുണ്ടായിരുന്നു. പക്ഷേ നിന്നെ ചോദ്യം ചെയ്യുമ്പോ സകല തെളിവും വേണമെന്ന് തോന്നി.
ഈ മൊബൈലിൽ നിന്ന് എന്റെ ബിസിനസ്‌ ആവശ്യത്തിന് ഉപയോഗിക്കുന്ന നമ്പറിൽ കാൾ കണക്ട് ചെയ്ത് റെക്കോർഡിൽ ഇട്ടിട്ടാ ഞാനിവിടുന്ന് പോയത്. നിങ്ങൾ ഇവിടെ പറഞ്ഞതെല്ലാം ഞാൻ കേൾക്കുകയും ചെയ്തു. എന്തായാലും നിന്റെ ഐഡിയ നല്ലതായിരുന്നു മൃദു എന്റെ കാശും അടിച്ചെടുത്തു കാമുകനൊപ്പം സുഖിച്ചു ജീവിക്കാമെന്ന് നീ കരുതിയല്ലേ.
എന്നെ അത്ര മണ്ടനായിട്ടാണോ നീ കണ്ടത്. രണ്ടെണ്ണത്തിനെയും അടിച്ചു പുറത്താക്കുകയാണ് വേണ്ടത്. പക്ഷേ നിങ്ങളെ തൊട്ടാൽ എന്റെ കൈ നാറും. ഇപ്പൊത്തന്നെ നിനക്ക് എടുക്കാനുള്ളത് എടുത്തിട്ട് എന്റെ ഫ്ലാറ്റിൽ നിന്ന് ഇവനേം വിളിച്ചോണ്ട് ഇറങ്ങി പൊക്കോ. അതാണ് നിനക്ക് നല്ലത്.
അര മണിക്കൂർ സമയം ഞാൻ തരും. അതിന് മുൻപ് ഇറങ്ങിയില്ലെങ്കിൽ ഞാൻ പോലീസിനെ വിളിക്കും. പിന്നെ പോകുമ്പോ എന്റെ കാശിന് വാങ്ങിയതെല്ലാം ഇവിടെ വച്ചിട്ട് പൊയ്ക്കോണം.
പകയോടെ സുഭാഷ് അവളെ നോക്കി പറഞ്ഞു. അവന്റെ നോട്ടം നേരിടാൻ കഴിയാതെ മൃദു മുഖം കുനിച്ചു.
എടുക്കാനുള്ളതൊക്കെ ഒരു ബാഗിലാക്കി ഇരുവരും ഇറങ്ങാൻ തുടങ്ങി.
“””അതേ… ഹരിയുടെ വീട്ടിലേക്ക് പോവാതിരിക്കുന്നതാ നല്ലത്. അവന്റെ അമ്മ നിങ്ങളെ അവിടെ കേറ്റില്ല. പിന്നെ നിന്റെ വീട്ടിലും ചെല്ലണ്ട അവിടേം ഞാൻ വിവരം അറിയിച്ചു. നേരം വെളുക്കുമ്പോൾ ഇവിടുന്ന് സ്ഥലം വിടുന്നതാ നിങ്ങൾക്ക് നല്ലത്. എന്നെ പറ്റിച്ചു ഇത്ര നാൾ ജീവിച്ചതിനു ഒരു പണി നിങ്ങൾക്ക് ഞാൻ തന്നിട്ടുണ്ട്.
അത്രേം പറഞ്ഞിട്ട് സുഭാഷ് അവരെ പുറത്താക്കി വാതിലടച്ചു.
രണ്ട് വീട്ടിലും സുഭാഷ് തന്നെ വിളിച്ചു കാര്യങ്ങൾ അറിയിച്ചത് കൊണ്ട് വീട്ടിൽ പോകാൻ കഴിയാനാവാതെ അവർ ഹോട്ടലിൽ റൂം എടുത്ത് ആ ദിവസം കഴിച്ചുകൂട്ടി. സുഭാഷ് തങ്ങൾക്ക് എങ്ങനെയാണ് പണി തന്നതെന്നറിയാതെ ആ രാത്രി ഇരുവരും സമാധാനമില്ലാതെ തള്ളി നീക്കി.
പിറ്റേന്ന് നേരം വെളുത്തപ്പോൾ മൊബൈലിൽ ഫ്രണ്ട്സിന്റെ കാളുകൾ വന്നപ്പോഴാണ് അവർക്ക് കിട്ടിയ എട്ടിന്റെ പണി ഹരിയും മൃദുവും അറിഞ്ഞത്. രണ്ടുപേരുടെയും റെക്കോർഡ് ചെയ്ത ബെഡ്‌റൂം സംഭാഷണങ്ങൾ സോഷ്യൽ മീഡിയയിൽ സുഭാഷ് വൈറൽ ആക്കിയിരുന്നു.
നാട്ടുകാരും ബന്ധുക്കളും അറിഞ്ഞു നാണക്കേട് ആയിട്ട് ഹരിക്കും മൃദുവിനും പുറത്തിറങ്ങാൻ കഴിഞ്ഞതേയില്ല. ഒടുവിൽ ആ ജില്ല വിട്ട് തന്നെ അവർക്ക് പോകേണ്ടി വന്നു. ഇങ്ങനെയൊരു ചതിയാനായ ഭർത്താവിനെ ഹേമയും വേണ്ടെന്ന് വച്ചിരുന്നു.
എന്തായാലും തന്നെ ചതിച്ച ഭാര്യയോട് അത്രയെങ്കിലും പ്രതികാരം വീട്ടിയ സന്തോഷത്തിലായിരുന്നു സുഭാഷ്.
